Trajneri i Bayern, Carlo Ancelotti, ka thënë se mesfushori Renato Sanches mund të largohet nga klubi këtë verë, por në asnjë mënyrë nuk do të lejojë largimin e Arturo Vidalit.
Sanchesi 19-vjeçar nuk ka shënuar asnjë gol në 25 paraqitje për gjermanët sezonin e shkuar, ndërsa javën e kaluar drejtori i Bayernit, Karl-Heinz Rummenigge, konfirmoi se Milani ka shprehur interesim për të. “Duhet të marrim një vendim. Një largim ka gjasë të ndodhë, por ka po ashtu shanse që ai të qëndrojë edhe një sezon me ne”, ka thënë Ancelotti në një konferencë për media.
Në anën tjetër, italiani ka mohuar largimin e Vidalit. “Për Vidalin, s’ka asnjë shans. Ai është futbollist i joni dhe kam shumë besim në të. E di se ka pasur spekulime dhe ne jemi mësuar me to. Ai do të qëndrojë te Bayerni 100 për qind”, ka shtuar Ancelotti, përgatiti Koha. (b.an)
