Trajneri i Bayern Munichut, Carlo Ancelotti nuk e ka ndërmend ta shesë Robert Lewandowskin te Real Madridi dhe ka pohuar se klubit spanjoll nuk i duhet sulmuesi polak shkaku i numrit të madh të sulmuesve.
Gjatë javëve të fundit është raportuar se Lewandowski dëshiron kalimin në Santiago Bernabeu, por Reali nuk ka preferuar blerjen e tij shkaku i opsioneve në sulm ndërsa Ancelotti ka thënë se nuk do të lejojë largimin e tij nga Allianz Arena.
“Real Madridi ka lojtarë fantastikë, si Benzema, Bale dhe Ronaldo. Ata nuk kanë nevojë për Leëandoëskin”, ka thënë Ancelotti për Bild-in.
“Edhe nëse e ndjejnë se u duhet Lewandowski, Bayerni nuk do ta shesë. Pse do të shisja njërin prej sulmuesve më të mirë? Nuk do ta ndërroja Leëandoëskin me asnjë sulmues tjetër”. (b.an)
