Në mediat italiane raportohet se Max Allegri do të largohet nga Juventus në fund të sezonit dhe një nga kandidatët për ta zevendesuar është Carlo Ancelotti.
Një rindërtim i skuadrës është planifikuar nga drejtuesit pas kapitullimit në Champions League.
Analisti Luca Moblano madje pretendon se Allegri i ka shprehur skuadrës se do të largohet nga klubi në fund të sezonit në qershor.
Sipas Corriere dello Sport, klubi ka kontaktuar disa kandidatë, përfshi edhe Ancelotti-n.
Do të ishte një rikthim i tij në stolin e Allianz Stadium. Ancelotti ka qenë trajner i Juventus por sukseset më të mëdha i ka pasur me Milan, Chelsea, Paris Saint-Germain, Real Madrid dhe Bayern Munich.
Ancelotti aktualisht është duke pushuar pas shkarkimit nga bavarezët por Juve do të ishte destinacioni i përsosur për të.
a.ç
