Carlo Ancelotti mendon se lojtarët janë fajtorët për krizën që po kalon Chelsea, e jo trajneri Jose Mourinho.
Ish trajneri i Real Madridit, Carlo Ancelotti, në një intervistë për La Gazzetta dello Sport, ka mbrojtur Jose Mourinhon për krizën që e ka kapluar Chelsea-n.
Ai ka thënë se fajtorët për këtë janë lojtarët, e jo trajneri. “Nuk e kam pritur këtë krizë, por i kuptoj mirë arsyet e kësaj krize. Sipas mendimit tim, rezultatet jo të mira janë pasojë e lojtarëve, pasi ata janë të ngopur ende nga sukseset e sezonit të kaluar”.
“Por, nuk duhet të shqetësohemi, pasi ende është herët. Aty është Mourinho, ai di si t’i kthejë gjërat në vendin të vet dhe për mua ai është njeriu ideal për ta kthyer Chelsea-n në pozitat e para”, ka deklaruar Ancelotti.
