Trajneri i Napolit, Carlo Ancelotti, dëshiron të sjellë në radhët e nënkampionit italian James Rodriguezin me të cilin ka bashkëpunuar në “Bajern Mynih”.
Për këtë arsye napolitanët, siç shkruajnë mediat italiane, kanë vendosur kontakte me drejtuesit e “Real Madridit” në mënyrë që të arrijnë miratimin për transferimin e tij, i cili sipas vlerësimeve mund të kap shifrat prej rreth 60 milionë eurosh.
Ancelotti ka biseduar me agjentin e lojtarit, Jorge Mendes, rreth mundësive që Rodriguez të kalojë në “Sao Paolo”.
Kolumbiani ka kaluar dy sezonet e fundit i huazuar te “Bajerni”, i cili ka përparësinë të blej të drejtat e lojtarit për 42 milionë euro, megjithatë gjasat që kjo të ndodhë janë të vogla.
Rodriguez nuk luajti shumë sezonin e kaluar, me gjithsej 20 paraqitje në Bundesligë, por ka një përqindje të mirë shënimi, me shtatë gola.
Presidenti i Napolit, Aurelio De Laurentiis, tha për mediat italiane se të hënën do të publikojë një surprizë të madhe.
Ai shtoi më tej se pas blerjes së lojtarit të krahut të djathtë Giovanni Di Lorenza nga “Empoli”, duan ende më shumë të forcojnë vijën sulmuese të ekipit.
/a.r
