Carlo Ancelotti është një njeri besnik. Trajneri italian thotë se nuk mund t’i drejtojë kurrë rivalët e klubeve që i ka udhëhequr gjatë karrierës së tij, shkruan Zeri.info.
Ai ishte trajner i Juventusit, Milanit, Chelseat, Paris Saint-Germainit dhe Real Madridit, ndërsa tash është në krye të shtabit teknik të Bayern Munichut.
Për të mos i ‘lënduar’ tifozët dhe zyrtarët e klubeve të cilat i ka drejtuar, ai e ka dhënë një premtim të madh.
“Nëse do ta drejtoja ndonjëherë Olympique Marseillen? Jo. Sepse nuk mund të shkoj kundër historisë sime. Historia ime në Francë ishte Paris Saint-Germaini, në Itali ishte Milani.
Kam respekt të madh për Interin dhe për Marseillen, por për shembull nuk mund të shkoj në Spanjë dhe ta drejtoj Atletico Madridin, pasi e kam drejtuar Realin”, ka thënë Ancelotti në një intervistë për “Canal Plus”, përgatiti “Zëri”. (b.an)
