Ashtu si muri antiimigracion i kërkuar nga presidenti amerikan, Donald Trump në kufirin meksikan, barriera të shumta po ngrihen në botë, në përgjigje të shqetësimeve për sigurinë apo për të frenuar fluksin migrator.
“Rreth 70 mure ekzistojnë në botë, 10 prej të cilëve që prej një çerek shekulli, me rrëzimin e Murit të Berlinit”, sipas studiueses Elisabeth Vallet, nga Universiteti i Quebecut.
– SHBA-Meksikë, mbyllja me mur –
Donald Trump ka nënshkruar, pesë ditë pas mbërritjes në Shtëpinë e Bardhë, një dekret për fillimin e një muri antiimigracion prej 1 600 kilometrash në kufirin meksikan.
Një barrierë me tela me gjemba ekziston tashmë në më shumë se një të tretën e 3 000 kilometrave të kufirit.
Ndërtimi i saj, përfunduar në vitin 2010, u vendos nga presidenti, George W. Bush.
E quajtur “Perdja e krepave”, kjo barrierë metalike prej më shumë se pesë metrash e lartë është e pajisur me projektorë dhe kamera. Rreth 18 500 agjentë patrullojnë në kufi.
– Lulëzimi në Evropë –
– FRANCË: Përballë përpjekjeve të përsëritura të migrantëve për të hyrë në mënyrë klandestine në Britaninë e Madhe, autoritetet franceze kanë vendosur në Kale që prej verës së vitit 2015 rrjeta teli që mbrojnë, në 30 kilometra, portin dhe në 40 kilometra tunelin nën La Manche.
– HUNGARI: Qeveria konservatore e Vikor Orban vendosi në shtator të vitit 2016 një barrierë me tela me gjemba prej katër metrash të lartë në 175 kilometra të kufirit të saj me Serbinë, para ndërtimit të një tjetri në kufirin me Kroacinë.
Edhe disa vende të tjera evropiane bënë të njëjtën gjë në kufijtë e tyre: Maqedonia me Greqinë, Sllovenia me Kroacinë dhe Austria me Slloveninë.
– BULLGARI: Në vitin 2014, një barrierë me tela me gjemba u vendos nga Bullgaria në kufirin me Turqinë, pika kryesore e hyrjes së migrantëve. Kjo barierë shtrihet në 176 kilometra të kufirit.
– GREQI: Në vitin 2012, grekët ndërtuan një barrierë të dyfishë me lartësi nga 2,5 në tre metra, në kufirin me Turqinë, në rreth 11 kilometra.
– MAROK-SPANJË: Në pjesën veriore marokene, enklavat spanjolle të Ceutas dhe Melillas, portat e vetme të aksesit tokësor në Evropë për imigrantët, janë rrethuar nga barriera metalike për një gjatësi prej dhjetë kilometrash secila.
– Mure dhe konflikte –
– IZRAEL-CISJORDANI : Në qershor 2002, pas një sërë atentatesh palestineze, izraelitët filluan vendosjen e një barriere duke ndjekur pak a shumë gjurmët e linjës së gjelbër mes Izraelit dhe Cisjordanisë.
Të tjera ndarje ekzistojnë në kufijtë me Jordaninë, Sirinë, Rripin e Gazës dhe Egjiptin.
– ARABI SAUDITE – IRAK : Sauditët përballë kërcënimit të Shtetit Islamik, kanë përfunduar në vitin 2014 një mur rëre ekzistues nga një barrierë mbrojtëse dhe një sistem elektronik mbikëqyrjeje në 900 kilometra, në shkretëtirën në kufirin irakian.
– INDI – PAKISTAN: India ka ndërtuar një barrierë përgjatë 742 kilometrave të Linjës së Kontrollit duke përdorur kufirin me Pakistanin.
– KORE: Pavarësisht emrit të saj, zona e demilitarizuar (DMZ) mes dy Koreve është një prej kufijve më të militarizuar në botë.
– MAROK – SAHARAJA PERËNDIMORE: Një mur rëre i fortifikuar prej 2 700 kilometrash, është ndërtuar, që prej viteteve 1980, mes territoreve nën kontrollin maroken dhe zonave nën kontrollin e Republikës arabe të Saharasë, shpallur nga Fronti Polisario.
– IRLANDË E VERIUT: Në Belfast, mure ndarjeje në beton dhe metali të ngritura që prej vitit 1969 ndajnë ende, 19 vjet pas nënshkrimit të marrëveshjes së paqes, lagjet katolike dhe protestante të qytetit.
– QIPRO: Ndarje pas pushtimit turk në vitin 1974, ishulli mesdhetar është i ndarë nganjë linjë armëpushimi përgjatë 180 kilometrave./a.m.
