Ka nisur prej kohësh një lojë e pisët dizinformuese duke përdorur portalin fantazëm (foreignpolicynews.org) me shkrues fantazëm. Sepse duke përdorur emrin e prestigjiozes amerikane “Foreign Policy Magazine” ky portal tenton të shitet si serioz duke hedhur shashka të pavërteta deri në të rrezikshme, vetëm e vetëm që të ngopë interesa politike në Tiranë. Natyrisht disa portale “shejtanë-budallenj” në Tiranë bëjnë sikur se dinë këtë lojë dhe e publikojnë sikur kanë shpikur zjarrin, duke rrezikuar të kthehen dhe vetë në fantazmo-komikë.
Ju kujtohet të gjithëve i famshmi Adam B. Fairmont, i cili ishte një personazh i krijuar nga PD-ja për të mundësuar hedhjen e qëndrimeve opozitare në gjuhë angleze nën emrin e një portali të huaj. Pas një hulumtimi të portalit Lexo.al, doli që në fakt Adami nuk ekzistonte, por ishte thjeshtë një personazh i krijuar nga Tirana për të goditur kundërshtarin me shkrime në anglisht. (Lexo http://lexo.al/kush-eshte-adami-dixhital-qe-ka-pushtuar-portalet-ne-shqiperi/). Shkrimet natyrisht që i bënte dhe i bën akoma stafi i Berishës, pasi qëndrimet janë kryekëput (edhe në fraza) si ato të doktorit, veçse dalin nën emrin e Adamit Dixhital.
I tillë ishte edhe rasti i djeshëm i Jason Katz, ish-zyrtari i lartë i Komitetit amerikano-herbe, i cili shkruante me porosi në xhep nga Tirana. Veçse Jason kishte dalë të paktën me emrin e tij teksa shkruante në një media periferike në SHBA duke sulmuar kryeministrin Rama, ndërkohë që ngrinte në piedestal para pak muajsh në po të njëjtën media kreun e Kuvendit Meta. Natyrisht, lobingu paguhet dhe Jason në këtë rast kishte kryer detyrën e porositur dhe asgjë më shumë. Lexo (http://lexo.al/nga-kush-paguhet-jason-katz-per-te-kundershtuar-politiken-amerikane/)
Por a nuk duket sikur politika në Tiranë (në këtë rast Berisha-Basha-Meta) po investohen herë me emër e herë anonim kundër politkës se jashte amerikane dhe konkretisht, kundër reformës në drejtësi?
Sepse në portalin fantazëm (foreignpolicynews.org) loja është shtrirë përtej Adamit Dixhital, sepse në fakt aty ka edhe Peter Tase Dixhital, i dirigjuar nga Genci ish-ambasador, sot këshilltar i Metës në Kuvend. Në lojë pra ka hyrë edhe Genci.
Por, kush është Genci Muçaj dhe lidhja e tij me Peter Tasen, Adamin Dixhital dhe portalin fantazëm që shpërndan trakte partiake?
Genci Muçaj, është një ish-ambasador i vendit tonë në Turqi (i u kthye në Tiranë më 5 shkurt 2016, pasi ushtroi për 3 vjet këtë detyrë) i cili pak pasi është kthyer në Tiranë i është besuar nga Meta, Drejtoria e Marrëdhënieve Dypalëshe dhe Shumëpalëshe, brenda Drejtorisë së Marrëdhënieve me Jashtë.
E thënë ndryshe, kemi Adamin Dixhital të krijuar nga PD për të shprehur qëndrimet në anglisht, Peterin që shkruan nën frymëzimin e këshilltarit të Metës në portalin fantazëm dhe Jasoni që mesa duket paguhet nëpërmjet Komitetit (që loboi që Meta të shkelë në SHBA) për të shkruar e lobuar. Që të tre ama, i bien fort plitikës amerikanë në Tiranë dhe kryeministrit Rama, por njëkohësisht flasin me superlativa pro Metës.
Ku duan të dalin? Ndoshta është reforma në drejtësi i gjithë problemi. /Lexo.al
