“Kriza politike e Gjermanisë mund të ketë një ndikim të madh në stabilitetin e Bashkimit Europian për shkak të pozitës udhëheqëse të Angela Merkel në Bruksel”, tha ekspertja e çështjeve ndërkombëtare Daniela Schwarzer.
Gjermania po përballet me dramën politike pasi kancelarja Angela Merkel nuk arriti të sigurojë mbështetjen e partisë FDP për të formuar një qeveri të re.
Schwarzer paralajmëroi se bisedimet e koalicionit gjerman mund të kenë pasoja të mëdha në BE. “Shumë nga çështjet kryesore europiane me të cilat po ballafaqohet BE-ja, varen nga Gjermania që është pjesë e rrethit të brendshëm. Ka një ndryshim nëse një vend i madh është në një krizë politike, nëse doni ta quani situatën e tillë me të cilën po përballemi sot në Berlin ose nëse është një vend më i vogël”.
Schwarzer, i cila kryeson institutin e hulumtimit të Këshillit Gjerman për Marrëdhëniet me Jashtë, tha për “BBC” se pavarësisht nga pasiguria rreth pozitës së Merkel, ajo mbetet e sigurtë se kancelarja do të mbajë pozicionin e saj.
“Unë pres që ajo të jetë ajo ose të formojë një qeveri tjetër ose do thërrasë për zgjedhje të reja”. Megjithatë vizioni i saj nuk u pranua nga bashkëdrejtuesi i Alternative für Deutschland (AfD) Alice Weidel.
Weidel përshëndeti mundësinë e një zgjedhjeje të reja pas gati dy muajsh bisedime për të krijuar një koalicion xhamajkan, të ashtuquajtur për shkak të ngjyrave tradicionale të partive që i ngjanin atyre të Karaibeve./KJ
