Në prapaskenë, Katari, Egjipti dhe ndoshta vende të tjera besohet se po përpiqen të negociojnë një lirim të pjesshëm të pengjeve që mbahen në Gaza.
Një ide që po diskutohet është që Hamasi të lirojë gra dhe fëmijë të burgosur në këmbim të 36 të burgosurve palestinezë, gra dhe adoleshentë që mbahen në burgjet izraelite.
Por me tensionet dhe me zemërimi në qiell nga të dyja palët, as Izraeli dhe as Hamasi nuk janë në diskonim për kompromis apo për lëshime.
Izraelitët janë të tronditur dhe të indinjuar që personat e armatosur ishin në gjendje të depërtonin kufirin e tyre jugor kaq lehtë dhe më pas të vrisnin të paktën 1200 njerëz.
Palestinezët, dhe jo vetëm Hamasi, janë të tronditur nga më shumë se 2 mijë sulme ajrore izraelite në Gaza, që kanë vrarë më shumë se 1 mijë persona që nga e shtuna. Gazës i është ndërprerë karburanti, energjia elektrike, uji dhe ilaçet.
Hamasi ka kërcënuar se do të ekzekutojë një peng për çdo herë që një sulm ajror izraelit vret civilë pa paralajmërim. Nuk ka asnjë provë që ata e kanë bërë këtë ende.
Në të njëjtën kohë, ka pak shenja të përmbajtjes nga Izraeli. Pjesë të mëdha të Gazës po shndërrohen qëllimisht në gërmadha./BBC
