Analiza e re tregon se 74% e të gjitha parave të fituara përmes sulmeve kibernetike në 2021 shkuan për hakerat e lidhur me Rusinë. Studiuesit thonë se më shumë se 400 milionë dollarë pagesa në kriptomonedhë shkuan për grupe “me shumë gjasa të lidhura me Rusinë”. Rusia ka mohuar akuzat se po strehon kriminelë kibernetikë.
Studiuesit gjithashtu pretendojnë se “një sasi e madhe e pastrimit të parave të bazuara në kriptomonedhë” kalon përmes kripto-kompanive ruse. Chainalysis, e cila kreu hulumtimin tha se ishte në gjendje të ndiqte fluksin e parave drejt dhe nga kuletat dixhitale të grupeve të njohura të hakerave duke përdorur të dhënat publike të transaksioneve të blockchain.
Analistët thonë se e dinë se cilat grupe hakerash janë ruse, sepse ato shfaqin karakteristika të ndryshme, për shembull:
- Kodi i tyre sulmeve kibernetike është shkruar për të parandaluar dëmtimin e skedarëve nëse zbulon se kompjuterët e viktimës ndodhen në Rusi ose në një vend të CIS
- Banda vepron në rusisht në forumet rusisht folëse
- Banda është e lidhur me Evil Corp – një grup i dyshuar i krimit kibernetik i kërkuar nga SHBA
Hulumtimi është një provë e mëtejshme se shumë grupe kriminale kibernetike veprojnë në Rusi ose në Komonuelthin e Shteteve të Pavarura (CIS) përreth që është një organizatë ndërqeveritare e vendeve ish-sovjetike rusisht folëse. Megjithatë, raporti shikon vetëm fluksin e parave për drejtuesit e bandave kriminale kibernetike dhe shumë prej tyre drejtojnë operacione filiale, duke marrë me qira mjetet e nevojshme për të nisur sulmet te të tjerët kështu që nuk dihet se ku janë hakerat individualë që punojnë për bandat e mëdha.
Një operacion i madh ndërkombëtar u nis në vitin 2021 për të ndaluar hakerat e sulmeve kibernetike, pas shumë sulmeve të profilit të lartë dhe përçarës, për shembull në shërbimin shëndetësor të Irlandës dhe një tubacion nafte në SHBA. Hakerat e dyshuar u arrestuan në Rumani, Ukrainë, Korenë e Jugut dhe Kuvajt raporton gazetari Joe Tidy i “BBC-së”. SHBA gjithashtu ka tërhequr me sukses miliona dollarë nga kuletat dixhitale të kriminelëve të shumtë të sulmeve kibernetike.
Për vite me radhë Rusia ka mohuar se po strehonte hakera. Presidenti rus Vladimir Putin u tha gazetarëve në samitin e tij të vitit 2021 me presidentin amerikan Joe Biden se inteligjenca e tij tregon se “Rusia nuk është e listuar në këtë renditje të vendeve që shohin numrin më të madh të sulmeve kibernetike nga territori i tyre”. Megjithatë, muajin e kaluar autoritetet ruse njoftuan se do të çmontonin grupin e sulmeve kibernetike REvil me kërkesë të Shteteve të Bashkuara.
Operacioni është një rast jashtëzakonisht i rrallë i bashkëpunimit të SHBA-së dhe Rusisë për krimin kibernetik. Në raportin Chainalysis, theksohet se 9.9% e të gjitha të ardhurave të njohura nga sulmet kibernetike i shkojnë Evil Corp që është një grup i dyshuar i krimit kibernetik ndaj, të cilit SHBA ka lëshuar sanksione dhe aktakuza, por që operojnë në Rusi pa u ndëshkuar në dukje. / abcnews
g.kosovari
