“PD është kthyer në një parti numrash”. Kështu u shpreh analisti Frrok Çupi gjatë intervistës për “NewsLine” në Abc News, duke iu referuar hapjes së fushatës së koalicionit “Bashkë Fitojmë” pak ditë më parë në stadium. Sipas tij, opozita është në garë me njëri-tjetrin dhe jo me pushtetin.
“Mungon konkurrenca me pushtetin. Ata paraqesin luftë me njëri-tjetrin. Ka një garë se kush i merr kujt. Kjo është lojë me njerëzit. Marrim stadiumin që mbeti me pak njerëz. Është një filozofi e majtë dhe mjafton që për Berishën të marrë numra. PD është kthyer në parti numrash, në parti të majtë sovjetike.”, tha ai.
“Për mendimin tim do të ketë një sforco të PD në të dy krahët e saj, për të arritur diçka sepse është e njohur se në këto tre qarqe të mëdha. Nëse edhe kësaj here PD falimenton, dmth se duhet një alternativë tjetër për të mund konkurruar më tej. Durrësi është i pamundur për t’u fituar nga të dy PD, edhe Elbasani.
Shkodra është një lloj Makbethi në skenën politike të Shqipërisë. Ka fituar gjithmonë PD. Mendohet se atje njerëzit më të ndriçuar të qytetit po i kërkojnë qytetarëve që të vënë gishtin kokës. Fitorja në Shkodër është fitorja e Shqipërisë“, shtoi ai.
/s.f
