Pjesë nga intervista në Top Talk:

Pse u rikthye në vëmendje dueli mes Metës dhe Nanos dhe Berishës?

Çupi: Ka shumë arsye që është kthyer kjo si një llavë. Duhet të vëmë re se papritur u zgjua politika. U zgjua një politikë që ata se kishin menduar, as Berisha as Meta.

Nano krijoi fenomenin e parashutës. Mesa duket politika ishte tharë, ishtë zhveshur nga disa elementë të saj. Praktikisht ishte zhveshur nga elementi i historisë.

Nano zgjoi historinë. Atë pjesë që ishin përpjekur ta fusnin sa më poshtë në thes, atëherë ajo ka aksione të tmerrshme, ka aksione të rënda.

Nano-Berisha-Meta janë protagonistë në të njëjtën qeli. Atje janë zhvilluar betejat, aty vrasjet.

Berisha dhe Meta e nxorën Nanon të vrarë dhe menduan se nuk ekzistonte më. Ky është një problem shumë tragjik.