Për analistin e njohur austriak Florian Bieber s’ka mëdyshje. Ai ka deklaruar së fundmi se ngjarjet e Kumanovës më së shumti i shkojnë për shtati partisë në pushtet dhe Gruevskit. Ndërkohë, The Guardian, ka cituar diplomatët perëndimorë të cilët kanë thënë se nuk ka bazë për ndonjë konflikt ndër-etnik në Maqedoni.
“Koha është shumë e dyshimtë pa e marrë në konsideratë ndonjë komplot” ka thënë Florian Biber, një ekspert në Universitetin e Grazit në Austri.
“Kjo nuk do të thotë se ky nuk ka qenë një sulm terrorist, por sugjeron se qeveria mund të ketë pasur dorë. I vetmi fitues nga dhuna është partia në pushtet” ka thënë Bieber për Guardian. Gazeta britanike ka cituar diplomatët perëndimorë në Maqedoni të cilët thonë se në këtë shtet nuk do të shpërthejë ndonjë konflikt ndëretnik.
Në fakt, në një lajm bashkohen të gjithë: qeveria 9 vjeçare e Gruevskit ka nxitur frustrimet të Maqedonët dhe shqiptarët, për shkak të papunësisë dhe korrupsionit të lartë.
