Amnistia për personat që vuajnë dënimin në burgjet shqiptare do të nisë më 14 janar, kur të mbushen 15 ditë nga publikimi në Fletoren Zyrtare. Janë katër mijë të burgosur që do të përfitojnë, 670 prej të cilëve duke fituar lirinë. Amnistia do të jetë në dy faza dhe e para do të nisë me lirimin e grave e më pas të meshkujve të moshuar.
Faza e dytë do të nisë me aplikimin e uljeve të dënimit për ata të burgosur që nuk përfitojnë lirinë. Drejtoria e Burgjeve ndërkaq ka nisur përpilimin e listave të të dënuarve që do të lirohen e që do të kenë ulje të kohës së dënimit. Ndërkaq, pas festave të fundvitit është kufizimi për lejet shpërblyese.
ma.me
