Nga ligji i amnistisë në sajë të të cilit janë liruar 731 të burgosur nga e gjithë Shqipëria ka përfituar edhe ish-prokurori Haxhi Giu i cili u liruar sot nga burgu i Peqinit. Ndërsa ish-prokurori ka marrë lajmin dhe është liruar duke udhëtuar nga burgu i Peqinit drejt banesës, Drejtoria e Burgjeve e telefonon të rikthehet pasi ka ndodhur një gabim.
Në maj të vitit të shkuar Gjykata e Krimeve të Rënda dënoi me 2.4 vite burg ish- prokurorin e Krujës Haxhi Giu. Giu u dënua me 2,4 vite burg për akuzën e korrupsionit pasi kishte marrë ryshfet rreth 29 mijë euro. Ish-prokurori kërkoi 29 mijë euro në këmbim të ndryshimit të akuzës për një person në hetim të cilit do t’i kthente lirinë. Ai njihet dhe si prokurori që udhëhoqi hetimet për zbardhjen e vrasjes së Azem Hajdarit 16 vite më parë.
