Kreu i Dhomës Amerikane të Tregtisë, Enio Jaço ka treguar cilat janë problemet kryesore që sjell miratimi i nismës për amnistinë fiskale.
Sipas tij, ky draft nëse miratohet dhe pa mbështetjen e institucioneve të rëndësishme ndërkombëtare, krijon hapësira për pastrim parash, evazion fiskal dhe konkurencë të pandershme.
Pyetje: Nisma për amnistinë fiskale a keni qëndrim që qeveria ka ndërmend të legalizojë para të pista deri në 2 milionë euro?
“Në lidhje me amnistinë fiskale ne e dimë që ka pasur një draft së fundmi që është futur në konsultim publik, ky draft ne duam më tepër kohë për ta analizuar plotësisht por opinioni tani është që drafti ekzistues ka ndryshim nga të mëparshmet por nuk janë ndryshimet esenciale.
Problemi që kemi pasur ne me ligjin e amnistisë ka qenë në parimin kryesor hapësirën e mundësinë që krijon për pastrim parash dhe evazion fiskal.
Ky është problemi kryesore që ne kemi. Por nuk e kemi vetëm ne e kanë shumë partnerë ndërkombëtarë.
Nëse ky ligj ka marrë aprovimin apo mbështetjen e partnerëve ndërkombëtarë, struktura si FMN, BE, Moneyval atëherë ne do ishim mbështetës se ato janë struktura kryesore që shikojnë detajet me rëndësi.
Nëse e kundërta është e vërtetë problemet e shqetësimet tona vijojnë të jetë si më parë e janë shumë serioze për këtë ligj.
Problemi tjetër është konkurenca e pandershme, hapësirat që krijon ky ligj per konkurencen e pandershme“, deklaroi Enio Jaço nga Dhoma Amerikane e Tregtisë:.
g.kosovari
