Me rastin e ditës kundër dhunës ndaj gruas, Kryeministri Edi Rama tha se janë rrënqethëse dhe jo të pakta rastet kur dhuna ndaj grave ka kaluar përmes sallës së gjyqit dhe dhunuesit janë shpallur të pafajshëm.
Po ashtu ai cilësoi rrënqethëse edhe rastet e përsëritjes së dhunës, nga të njëjtët persona të cilët kanë dalë të pafajshëm para gjyqit dhe janë rikthyer sërish si dhunues.
Rama deklaroi në një aktivitet të ditës së sotme se kjo çështje do të trajohet me seriozitet nga sistemi i ri i drejtësisë për të rishikuar legjislacionin për të ndërmarrë një hap domethënës në adresimin e dhunës ndaj grave.
Po ashtu ai foli edhe për amnistinë e fundvitit, nga e cila përfitojnë disa të dënuar.
“Ministria e Drejtësisë po përgatit projektin e një amnistie të fundvitit që do të adresojë në radhë të parë nevojën për të lehtësuar gratë e dënuara si dhe të moshuarit bashkë me to”, u shpreh Rama.
/a.r
