Ministrja e Ekonomisë dhe Financave Delina Ibrahimaj ka folur ditën e sotme për nismën e qeverisë për amnistinë fiskale e cila parashikon një prag prej 2 mln eurosh.
Ibrahimaj u shpreh se do të krijohet një njësi speciale që do të ndërveprojë me institucionet shtetërore. Brenda 5 ditësh kjo njësi do të analizojë kërkesat nga subjektet dhe do të japë një vërtetim për pagesën e një tatimi të posaçëm.
“Është parashikuar një kufi prej 2 mln eurosh për deklarimin e pasurisë. Do të krijohet një njësi speciale që do të ndërveprojë me institucionet shtetërore që kanë si objektiv elementët që sapo paraqita. Për 5 ditë do të analizojë kërkesat nga subjektet duke ndërvepruar me institucionet shtetërore në luftën kundër krimit.
Administrata do të japë një vërtetim që bizneset të paguajnë një tatim të posaçëm për legalizimin e kapitaleve. Është 7% për 4-mujorin e parë të zbatimit të ligjit dhe 10% për 5 mujorin e dytë. Në fund të verifikimit do të dalë një certifikatë që legalizon këto para apo asete. Shumë prej jush kanë pyetur pse tani dhe pse në këtë formë.
Situata ku ndodhemi dhe kriza ekonomike globale i ka vendosur ekonomitë në kushte jo normale të funksionimit të tyre. Kjo është një krizë. Është e rëndësishme rritja e kapitaleve që të financohen projektet që ne kemi të parashikuara. Kemi një normë të lartë të parave të jashtë bankave.
Duhet ngritur kapaciteti i shtetit në mënyrë që të krijohet një vit zero që të mos ketë më mundësi që paratë të qarkullojnë jashtë bankave. Do i japim mundësinë çdo shqiptari që kanë pasuri nga puna e padeklaruar që të mund të legalizohen. Në situatën ku ndodhemi është e rëndësishme që ekonomia të zhvillohet përmes këtyre sistemeve”, u shpreh ajo.
g.kosovari
Nga kushe do ngrihet kjo njesi speciale ,nga ju ?????,ksaj i thone si ta varesh melcite ujkut ne qafe e ti thuash kujdes zduhet ti hashe.Ju jeni te pa besur,te fillosh nga k/hajduti edvin e te perfundosh teke me i thjeshti,e dini sa ju beson populli juve 00000000.