Përfaqësia e tregtimit online Trade LCM mbylli brokerin e saj në Shqipëri Stock.com. Vendimi është marrë nga Autoriteti i Mbikëqyrjes Financiare i cili i ka lënë rreth një muaj kohe kompanisë që të shitet ose përfundimisht të mbyllë aktivitetin.
Stock.com tashmë ka mbyllur webin zyrtar në internet www.stock.com dhe është tërhequr nga ambientet që i shfrytëzonte me qira te “Torre Drini” në Tiranë.
Burimet nga kompania pohuan se janë në tentative për të shitur degën në Shqipëri të Trade LCM, teksa pohuan se the se mbyllja finale ende nuk është bërë.
Burimet nga kompania Stock pohojnë se klientët janë te sigurte dhe ata nuk do te humbin investimin e tyre.
Platformat on line
Shoqëritë e brokerimit që po ndërmjetësojnë investimin e depozitave të shqiptarëve në bursa janë shtuar shumë, por vetëm tre të tilla kanë leje, Aksioner insternational Securites Brokerage sha., Stock international Albania dhe Platinium investment që ka marrë licencë si institucion financiar jo bankë nga Banka e Shqipërisë dhe dy të parat kanë marrë leje nga AMF, si shoqëri brokerimi në tituj për blerjen dhe shitjen e titujve me porosi të klientit në tregun e licencuar në territorin e Republikës së Shqipërisë.
Por ndërsa vetëm tri kompani janë të licencuara, dhjetëra të tjera e kryejnë këtë shërbim pa asnjë autorizim të autoriteteve shqiptare. Risku i investimit në këto lloj skemash është 100% dhe për humbjen askush nuk mban përgjegjësi./monitor.al/a.m.
