Amerikanët votojnë sot për rinovimin e shumicës së anëtarëve të Kongresit dhe pjesën më të madhe të guvernatorëve. Zgjedhjet e mesit të mandatit janë prova e parë për Donald Trumpin që kur mori presidencën 2 vite më parë.
Republikanët synojnë të ruajnë dominimin në senat dhe dhomën e përfaqësuesve për të çuar përpara reformat e presidentit Trump. Ndërsa demokratët, procesi është tregues për presidencialet e 2020-ës. Ky sondazh i CNN tregon se demokratët janë në avantazh me mbi 10%. Ditët e fundit të fushatës, presidenti Trump shprehu bindjen për fitoren, por akuzoi demokratët për përpjekje për manipulimin e zgjedhjeve.“Demokratët po inkurajojnë hapur miliona emigrantë të jashtëligjshëm të hyjnë në vendin tonë për t’u marrë votën”.
Por për ish-zv/presidenin Xho Bajden, amerikanët e kanë të qartë se për kë duhet të votojnë. “Në zgjedhim bashkimin mbi përçarjen, shpresën ndaj frikës, aleatët para armiqve, të vërtetën ndaj gënjeshtrës”.
Humbja e shumicës nga republikanët rrezikon reformat emblemë të Donald Trumpit si ashpërsimi i ligjeve për migracionin, marrëveshjet e reja tregtare ndërkombëtare dhe reduktimi i taksave. Problemet mund t’i thellohen presidentit edhe në hetimet për ndërhyrjen ruse në zgjedhje, konfliktin e interesit apo aferat seksuale. Pjesëmarrja në zgjedhje pritet të jetë e lartë. 75% e kandidateve femra që kandidojnë për të dyja dhomat e Kongresit vijnë nga radhët e demokratëve.
a.ç
