Ambasadorja e re amerikane në vendin tonë, Yuri Kim, në vijim të takimeve që nga marrja e detyrës, u prit sot nga kryeprokurori Olsian Çela.
Gjatë takimit të tyre të parë sot, ambasadorja e Shteteve të Bashkuara të Amerikës, e uroi Prokurorin e Përgjithshëm Olsian Çela për zgjedhjen e tij së fundi në detyrën e re dhe premtoi ndihmë teknike të vazhdueshme nga Shtetet e Bashkuara, për të ndihmuar Shqipërinë në vijimin e zbatimit të reformës në drejtësi.
“Ambasadorja Kim nxiti prokurorët që, ndërsa përmbushin premtimin e një gjyqësori të pavarur me drejtësi për të gjithë, t’i përqasen punës me mendësinë e shërbimit publik, integritetit dhe mbrojtjes së të drejtave të njeriut”, shkruhet në njoftimin e ambasadës.
/a.r
