Ambasadori amerikan në Tiranë, Donald Lu, ka akuzuar në mënyrë të drejtëpërdrejtë Prokurorin e Përgjithshëm, Adriatik Llalla se ka shkelur Kushtetutën në rastin e hedhjes së shortit për përzgjedhjen e anëtarëve të Këshillit të Emërimeve në Drejtësi. Sipas tij, Llalla solli vetëm 3 emra në kohën kur të gjithë institucionet e tjera sollën një përfaqësim të gjerë kandidaturash.
“Të premten e shkuar, siç kërkohet nga Kushtetua e re, u hodh shorti për anëtarët e Këshillit Emërimeve në Drejtësi që do të mbrojnë pavarësinë e gjyqësorit. Shorti u drejtua nga sekretarja e Kuvendit, bazuar në Kushtetutë. Por prokurori i Përgjithshëm solli një liste vetëm me 3 anëtarë. Kushtetua përcaktonte se anëtarët duhet të përzgjidheshin me short, dhe secili solli listat më të gjata për këtë pozicion. Në dallim me to, Prokurori i Përgjithshëm zgjodhi vetëm 3 emra, te përzgjedhur sipas preferencës për të plotësuar 3 poste. Me këtë ai theu Kushtetutën”, deklaroi Lu.
Ambasadori i SHBA Lu u shpreh se kryeprokurori Llalla dhe prokurorët janë kundër reformës në drejtësi.
“Nëse ne, shoqëria civile, partnerët ndërkombëtarë dhe media nuk jemi sy shqiponja, politikanë, gjykatës dhe prokurorë të korruptuar dhe krerë të krimit do të përpiqen të vjedhin zgjedhjet, reformën në drejtësi dhe gjithcka e tjetër në ekonominë e vendit.
Prokurori i Përgjithshëm më shumë se 18 muaj ka folur kundër Reformës në Drejtësi. Prokurorët u përpoqën të sekuestronin serverin e ILDKP. Për shortin e KED, Prokurori veproi në shkelje të frymës së Kushtetutës së re. Kushtetuta thotë se anëtarët duhet të zgjidhen me short, por prokurori dërgoi vetëm tre emra. Anëtarët e KED duhet ti nënshtrohen Vettingu. Javën e ardhshme do mbërrijnë gjykatës e prokurorë nga SHBA e BE. Njerëz të fuqishëm po përpiqen të ushtrojnë kontroll ndaj gjykatave” deklaroi ai.
Donald Lu ka folur edhe per doreheqjet e javes se fundit te disa gjykatesve dhe prokuroreve.
“Disa anëtarë kanë dhënë dorëheqjen këtë javë në vend se ti nenshtroheshin vettingut te paret. Ne do i ndjekim nga afër për të parë nëse komsionet e vettingut do t’i përmbahen kësaj kërkese kushtetuese dhe nëse të gjithë anëtarët e KED do kalojnë procesin e vettingut. Monitoruesit s’do tolerojnë korrupsion dhe paaftësi”, tha Lu.
ma.me
