Ambasadori Lu: Politikanët e korruptuar janë të frikësuar, ndaj shpifin për ambasadorin e BE dhe EURALIU-s

Politikanët e korruptuar do të ndëshkohen. Kështu deklaroi ambasadori amerikan Donald Lu, gjatë një konference të titulluar ‘simpozium antikorrupsion’. Ambasadori Lu ka bërë deklarata të forta duke u shprehur se politikanët e djathë ose të majtë që janë të korruptuar, do të dënohen. Sipas tij, ‘këta të firkësuar’ duan të shmangin zbatimin e Reformës në Drejtësi, duke thënë gënjeshta për ambasadorin e BE, EURALIUS.

“Qytetarët presin që politikanët e korruptuar nga e djathta dhe e majta të dënohen. Këta persona janë të frikësuar dhe duan ta shmangin këtë reformë dhe thonë gënjeshta për ambasadorin e BE, EURALIUS”, është shprehur Lu.

Nga ana tjetër, duke folur për ligjin më të rëndësishëm që çel zbatimin e Reformës në Drejtësi, Rama është shprehur se Opinioni i Venecias do të mbështesë Vetting-un, por se ai i trembet reagimit të Gjykatës Kushtetuese.

“Dua shumë që kur Vendecia të jap opinionin e saj për vetingut,  nuk do ndeshemi me rezistencën  e Gjykatës Kushtetuese. Kam arsye që të dyshoj se GJK nuk do të sillet ashtu siç duam, pasi kemi një shenjë të sjelljes së Kushtetueses ndaj ligjit të pronave. Gjykata ka bërë ndryshime në ligjin e pronave që bie ndesh me opinionin e Venecias”, ka deklaruar Rama.

Kryeministri Edi Rama është ndalur dhe tek korrupsioni në sistemin e Drejtësisë, si dhe në sistemin e Shëndetësisë. Sipas tij, po ndërtohet një sistem pilot, që do të nis me hipotekat. Ky sistem do të ul korrupsionin në marrëdheniet mes qytetarëve dhe shtetit.

“Po ndërtohet një sistem pilot, që do të nis me hipotekat. Qytetarët do drejtohen në një qendre të vetme ku do të marrin shumë shërbime, dhe kjo zyrë do t’u drejtohet zyrave të tjera.  Nuk është qytetari që do të shkoj nga zyra në zyrë. Përmes reformave dhe modernizimit ne do të ulim korrupsionet në marrëdhënien e njeriut me shtetin” , tha Rama.