Ambasadori i Italisë në Tiranë, Aberto Cutillo i pyetur nga gazetarët në lidhje me çështjen e kompanive “call center” është shprehur se nuk ka asnjë rrrezik për mbylljen e tyre duke shtuar se ligji i ri në Itali thjesht shtrëngon rregullat.
“Nuk ka asnjë rrezik për “call center”-at. Nuk do të ketë mbyllje të tyre, pra 25 mijë vendet e punës nuk janë të rrezikuara. Ligji i ri thjesht shtrëngon rregullat e aktivitetit”, ka thënë Cutillo.
Ai u pyet edhe për aktivitetin e fasonerisë, nëse do ketë shtrëngim siç ndodhi me biznesin “call center”: “Sa i përket fasonerisë nuk jam në djeni nëse do të ketë ligje të ngjashme si ai për “call center””.
Këto deklarata ambasadori i bëri gjatë një prezantimi në Shkodër të projektit “Rikualifikimi i ish-konsullatës së Italisë në Shkodër”./a.m.
