Ambasadori i SHBA-ve në OSBE, James Gilmore, ka folur për konfliktin me Iranin, duke u shprehur se Uashingtoni mbetet i angazhuar për paqe.
“SHBA nuk po kërkon asnjë lloj lufte me Iranin. Shtetet e Bashkuara morën masa, sepse ishin nën sulm”, tha Gilmore për “News 24”.
Ambasadori theksoi se çdo kërcënim ndaj Shqipërisë nga çdo lloj vendi është i pakuptimtë. Ai shtoi se SHBA-të mbeten besimplotë për presidencën e Shqipërisë në OSBE.
“Shqipëria është një vend mik i SHBA-ve. Kemi besim se populli i Shqipërisë do të jetë i sigurt. Nuk shoh ndonjë shqetësim për ndikim rus në Shqipëri. Vendi juaj, Shqipëria është angazhuar seriozisht për një kurs të qartë perëndimor”, tha ai. /e.s/
