Një ditë para takimit me grupin parlamentar të PD-së dhe, një ditë pas mesazhit të fuqishëm drejtuar klasës politike shqiptare për finalizmin urgjent të reformës në drejtësi, ambasadori amerikan Donald Lu ka zhvilluar një takim kokë më kokë me deputetin demokrat Eduart Selami.
Ata janë fotografuar së bashku, teksa bisedonin në një bar të kryeqytetit, raporton “Opinion.al”.
Mësohet se takimi mes ambasadorit dhe demokratit të njohur për lidhjet me Amerikën, ka zgjatur rreth një orë.
Një ditë më parë u mësua se ambasadori amerikan do te jete i pranishëm në mbledhjen e grupit parlamentar te PD-së.
Kujtojmë se Selami ka pasur takime me përfaqësues të lartë amerikanë sa herë ata kanë pasur vizitat zyrtare në Tiranë, ndërkohë që ishte edhe pjesë e delegacionit që shoqëroi kreun e PD-së, Lulzim Basha gjatë vizitës së fundit në Shtetet e Bashkuara të Amerikës. javanews/ a.k
