Ambasadori i Shteteve të Bashkuara të Amerikës Donald Lu është takuar sot me ish-kryeministrin Sali Berisha.
Lajmi konfirmohet nga zyra e Berishës, ku thuhet se ish-kryeministri priti në një takim në zyrën e tij ambasadorin amerikan, zotin Donald Lu.
Nuk ka shumë të dhëna për temën e diskutimeve por bëhet e ditur se janë prekur një spektër i gjerë çështjesh me interes të dyanshëm dhe se diskutimet ishin të hapura.
Takimi vjen në një kohë kur aktualiteti politik është jo pak i nxehtë, ku flitet për financime ruse në PD, për kokainën e kapur në Durrës.
“Diskutimet ishin të hapura!”, thuhet në një njoftim të shkurtër për mediat, por pa dhënë më shumë detaje.
a.ç
