Përgjigja e komisionit të Venecias për ligjin e Vettingut është shtysë për vazhdimin e metejshëm të procesit të Integrimit Europian.
Deklarata erdhi nga ambasadori i Italisë Alberto Cutillo ku ishte i pranishëm në qytetin e Shkodrës në një takim për arsimin profesional së bashku me ministrin e Mirëqenies Sociale dhe Rinisë.
“Formimi profesional bën të mundur përfundimin me sukses të rrugëtimit europian që Shqipëria ka nisur.
Përgjigja e dhënë nga komisioni i Venecias për ligjin e Vettingut shpresoj të jetë një shtyse e mëtejshme për të vazhduar më tej këtë proces.
Ndër të tjera objektiva, një tjetër shumë i rëndësishëm që synon ky projekt është edhe rritja e marrëdhënieve ekonomike mes firmave shqiptare dhe atyre italiane”.
Klosi e quan arsimin profesional si dritaren që i hap rrugë zhvillimit ekonomik dhe Shqipërisë europiane.
Pak muaj pasi u prezantua dega e mekatronikës në shkollën profesionale “Arben Broci” në Shkoder.
Ministri Mirëqënies Sociale Blendi Klosi, ambasadori Cutillo dhe drejtuesit vendore inauguruan laboratorin e ri në këtë shkollë.
Paralelisht u lidh marrëveshja me 24 biznese, ku 110 nxënës do të jenë përfitues të praktikës mësimore për 6 muaj./reportv/a.k
