Ambasadori italian në Shqipëri Cutillo deklaroi nga emisioni “Real Story” në Vizion Plus se opozita ndihet e përjashtuar dhe e penalizuar nga ecuria e reformave në Shqipëri, duke nënkuptuar këtu reformën në drejtësi.
Cutillo shtoi se se është shumë e rëndësishme që palët të bashkohen në mënyrë që këto reforma të mëdha që I shërbëjnë edhe integrimit të ecin përpara.
Ambasadori italian beson se pjesa më e vështirë e krizës institucionale dhe politike ne vend ka kaluar dhe kjo ndoshta është mundësi e mirë për të rinisur dialogu.
Mendoj se rrënja e vërtete e kësaj krize është rrugetimi I reformave angazhuese me të cilat Shqipëria duhet të përballet, reforma që lidhen edhe me integrimin e vendit.3 vite me parë u gjet konsensus për reformat. Ai ka qënë moment vendimtar, për fat të keq nuk zgjati shumë. Keto 3 vitet e fundit kemi parë që opinionet janë ndarë. Disa anë politike kanë ndjesi sikur janë të përjashtuar dhe ndoshta të penalizuar nga ecurite e reformave ( ajo në drejtësi). Ky është një problem që për mendimin tim me kalimin e kohës e ka cuar edhe me tutje acarimin e situatës dhe ka ndikuar në këtë krizë që është e institucioneve dhe e politikes në shqipëri. Është thelbësore që të kthehemi tek bashkimi për të vazhduar me reformat. Si të gjitha krizat mund të shihet edhe ne aspektin pozitiv, mund të shpresojmë që tani që kaloi periudha më e vështirë, të hapet një sezon I ri dialogu.
Sipas tij ka shënja pozitiv se opozita këtë aksion të pazakonte politik po e lë pas krahëve dhe tani duhet që palët politike të futen në një fazë dialogu.
Është e qartë se opozita ka bërë zgjedhje të pazakonte që nuk I bëjnë zakonisht partite opozitare. Nuk mund të jetë kjo vazhdimësia, duhet bërë një bilanc, duhet kthyer paqa, duhet hyrë në një fazë me pozitive, me propozueze. Ka disa sinjale, sic janë protestat e fundit, shumë pozitive dhe paqësore. Kjo më bën të mendoj se kemi hyrë në një fazë tjetër të ndryshme të opozitës, nga bojkoti I zgjedhjeve dhe djegia e mandateve. Duhet hyrë pra në një fazë të re dialoguese dhe jo kundërshtimi të pastër. Sot ne ndodhemi në një krize përfaqësimi.
