Në takimin me përfaqësues të organizatave të shoqërisë civile, ambasadori i Britanisë së Madhe në Shqipëri, Nick Abbott ka zgjedhur që të flasë në Gjuhën Shqipe. Gjatë fjalës së tij, Abbott ka theksuar se Britania do që të shikojë miratimin e mekanizimit për parandalimin e korrupsionit.
Nick Abbott: Dëshiroj të shpreh mbështetjen e qeverisë britanike për Parlamentin dhe shoqërinë civile në Shqipëri. Ne punojmë nga afër me këtë partner. Përgëzojmë Parlamentin për miratimin e shqyrtimit post-legjislativ Peres dhe dëshirojmë të shohim gjithashtu miratimin e mekanizimit e parandalimit të korrupsionit. Të gjithë jemi dakord që shoqëria civile ka një rol kyç në përmirësimin e transparencës së llogari-dhënies të institucioneve publike në një vend demokratik. Partnerët tanë kanë ofruar metoda të dialogut me shoqërinë civile nëpërmjet paneleve të qytetarëve.
Më tej, ambasadori Abbott e ka vënë theksin tek nevoja që Parlamenti të ushtrojë me efektivitet mekanizmat kushtetuese për të garantuar transparencën dhe përfshirjen e shoqërisë civile si jetike për zhvillimin e demokracisë.
