“Unë kam frikë më shumë nga qetësia e Ilir Metës. Kur Ilir Meta është i qetë atëherë duhet ta kesh frikë, sepse kur është i qetë ai e ka marrë vendimin dhe kjo do të thotë se ai do t’i shkojë vendimit deri në fund”, kështu u shpreh kryetarja e LSI-Monika Kryemadhi në emisionin “Frontline” në “News24”.
E pyetur nga gazetarja Marsela Karapanço se për cilin vendim bëhet fjalë, Kryemadhi u shpreh se presidenti tashmë ka marrë vendimin për të ecur përpara.
Gjithashtu gjatë bisedës në studio, Kryemadhi u ndal edhe tek ambasadorët, duke komentuar edhe rolin e tyre në vend.
Sipas saj, ambasadorët me qëndrimet e tyre i kanë sjellë më shumë dëm Shqipërisë.
Pjesë nga biseda në studio:
Pyetje: Zoti Meta ka deklaruar se më 24 korrik do të ketë festë ?
Kryemadhi: Çlirohet, mbaron dënimin politik.
Pyetje: Nëse nuk ka festë do të ketë protestë?
Kryemadhi: Ka akoma më shumë festë, edhe në rrafshin personal edhe në atë politik dhe mbi të gjitha familjar. Morali i Gjykatës Kushtetues shkërmoqet si kështjellë rërë dhe shantazhohet përballë një shtrese të manipuluar. Mendoni që këta ku kanë arrestuar të korruptojnë një gjeneral të Guarda di Financia, mendoi se ç’mund të bëhet. Kush i tha Kuvendit të çonte letër të premten. Ata e kanë çuar vetë një provë.. Përse Gjykata Kushtetuese ka pranuar një provë të tillë të premten. Po përse brava dhe dyert e blinduara të mbrojnë integritetin. Njerëzit si puna jonë për një fytyrë rrojnë, as për pushime, as për brava…
Ne jemi si një vend i vogël që funksionojnë si familje. Çështja e inceneratorëve është maja e ajsbergut dhe maja e ajsbergut është për blerjen e drejtësisë, të ndërkombëtarëve, të mediave. Këta ambasadorët këtu nuk janë ndërkombëtarët. Ambasadorët në Shqipëri janë përfaqësues të shteteve të tyre, njerëz që pavarësisht partive politike që shkojnë… Ndërkombëtari nuk është ambasadori këtu dhe kush i huaj vjen në Shqipëri, ndërkombëtari është përtej. Çdo ambasador ka agjendën e vet, karrierën e vet…Por nuk janë ata që vendosin për fatet e Shqipërisë, ata faktikisht kanë dëmtuar me qëndrimet e tyre…/m.j
