Ambasadori i Bashkimit Europian në Tiranë, Luigi Soreca, dhe e ngarkuara me punë e SHBA-ve, Leyla Moses-Ones zhvilluan sot një takim me Prokurorin e Përgjithshëm të sapozgjedhur, Olsian Çela.
Në një postim në rrjetin social “Twitter”, Soreca thotë se gjatë takimit diskutuan përparësitë kryesore të zyrës së tij të re, përfshirë hetimet financiare proaktive, veprimin e zyrave të prokurorisë pas tërmetit, si dhe për fazën kalimtare drejt krijimit të SPAK.
Për Sorecën, zgjedhja e Z. Çela përfaqëson një tjetër hap të rëndësishëm përpara në zbatimin e reformës në drejtësi, e cila është një përparësi kryesore për Shqipërinë në rrugën e saj drejt integrimit në BE.
Together with @Leylaones🇺🇸 today I met the newly elected 🇦🇱 General Prosecutor Olsian Cela. We discussed the main priorities of his new office, including the key role of proactive financial investigations, the action of prosecution offices in the post-earthquake, as well as … pic.twitter.com/XqNBqulw84
— Luigi Soreca🇪🇺 (@LSorecaEU) December 11, 2019
g.kosovari
