Ekipi i inxhinierëve të ardhur nga Amerika për të ndihmuar Shqipërinë pas tërmetit të 26 nëntorit kanë përfunduar ditën e djeshme vlerësimin strukturor të 14 ndërtesave në Durrës.
Në një shënim në faqen e saj zyrtare ambasada amerikane në Tiranë, thekson se po dje partneri i tyre vendor, Kryqi i Kuq Shqiptar, ka shpërndarë ushqime, batanije dhe artikuj higjene për 70 familje.
“Zyra për Ndihmë të Jashtme në raste Fatkeqësish e USAID në Shqipëri vazhdon të mbështesë përpjekjet për ndihmë ndaj tërmetit të 26 nentorit.
Dje, partneri i tyre vendor, Kryqi i Kuq Shqiptar shpërndau ushqime, batanije dhe artikuj higjene për 70 familje, ndërsa ekipi i inxhinierëve mbaruan vlerësimin strukturor të 14 ndërtesave në Durrës. #ShbaQendronKrahShqiperise”, thuhet në njoftimin e ambasadës së SHBA.
Faleminderit popullit amerikan