Tentativë për grusht shteti kundër qeverisë së zgjedhur demokratikisht, e ka quajtur ambasada turke në Tiranë atë që ndodhi në Turqi.
Në një deklaratë për mediat, Ambasada thekson se, “ngjarja e ndodhur në Turqi ishte një tentativë për grusht shteti kundër qeverisë së zgjedhur demokratikisht. Populli ynë iu kundërvu me dinjitet dhe solidaritet. Presidenti ynë dhe qeveria jonë janë në krye të detyrës”.
“Nuk ishte një grusht shteti ku ishin përfshirë të gjitha forcat e armatosura të Turqisë. Ai ishte organizuar nga një grup brenda Forcave të Armatosura, të cilit iu dha përgjigja e duhur nga populli ynë”, thekson Ambasada.
“Situata që u shpalos në Turqi ishte një përpjekje për të përmbysur qeverinë e zgjedhur në mënyrë demokratike. Kjo përpjekje është bllokuar nga populli turk në unitet dhe solidaritet. Presidenti ynë dhe qeveria janë në krye. Forcat e armatosura turke nuk ishin përfshirë në përpjekje për në tërësinë e vet. Ishte kryer nga një grup brenda forcave të armatosura dhe mori një përgjigje të merituar nga kombi ynë”, përfundon deklarata e Ambasadës. (java / r.a)
