Pas vendimit të opozitës për t’u rikthyer në tryezën e dialogut të Reformës Zgjedhore, ka reaguar edhe ambasada amerikane në Tiranë.
Në reagimin e saj në rrjetin social “Facebook”, Ambasada citon se reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare.
“Ne përshëndesim palët që ranë dakord të punojnë së bashku për reformën zgjedhore, një hap i rëndësishëm për të trajtuar plotësisht rekomandimet e ODIHR-it. Reforma do të mbështesë procese zgjedhore të efektshme dhe të besueshme dhe do të forcojë demokracinë shqiptare. Ne shpresojmë që palët të vijojnë të ecin përpara me këtë frymë aktuale bashkëpunimi, për t’u siguruar që zgjedhet në Shqipëri të jenë të lira nga mashtrimi, ndërhyrja dhe korrupsioni“, thuhet në reagimin e ambasadës.
g.kosovari
