Pas videos humoristike që Dani Alvesh publikoi për eliminimin e Barcelonës nga Liga e Kampioneve, ka ardhur një reagim nga ana e Presidentit të katalanasve Bartolomeu. Presidenti i klubit ka lënë gjithçka të hapur, duke mos e mohuar dënimin eventual për Alves.
“Do të analizojmë paraqitjen e tij në publik”, ka deklaruar shkurtimisht Bartomeu për mediat.
Mbrojtësi i djathtë i skuadrës katalanase e mori me shaka humbjen ndaj Atletico Madrid dhe postoi në Instagram një video ku shihej me parruke dhe ku imitonte të fejuarën e tij, Joana Sanz.
Duke e bërë zërin si femër, Dani Alves tha: “Përshëndetje! Jam Joana Sanz. Dua t’i jap një mesazh shpirtit tim që është shumë i mërzitur. I dashur, është vetëm një ndeshje futbolli. Nuk ka ndodhur asgjë, jeta vazhdon. Ti vlen më shumë se kaq, dakord? Të duash shumë!”
