ALSWISS/ Inagurohet Dhoma e Tregtisë Shqipëri-Zvicër, nismë e sipërmarrësve shqiptarë

Në Gjenevë, u organizua ceremonia inauguruese e Dhomës së Tregtisë Shqipëri-Zvicër (ALSWISS), nismë e një grupi sipërmarrësish shqiptarë dhe Ambasadës së Republikës së Shqipërisë në Konfederatën Zvicerane me mbështetjen e ngushtë të Dhomës së Tregtisë, Industrisë dhe Shërbimeve të Kantonit të Gjenevës.

Në ceremoninë e inaugurimit ishin të pranishëm dhe përshëndetën François Lefort, Kryetar i Parlamentit të Kantonit e Republikës së Gjenevës ; Vincent Subilia, Kryetar i Dhomës së Tregtisë, Industrisë dhe Shërbimeve të Gjenevës si dhe Ambasadori i Republikës së Shqipërisë në Bernë, Zvicër, Ilir Gjoni.

Takimi u përshëndet (në linjë) nga Ministria e Turizmit dhe Mjedisit nëpërmjet Sekretarit të saj të Përgjithshëm A. Kamenica; nga S. Çili, Drejtor Ekzekutiv i Dhomës së Tregtisë Zvicër-Shqipëri me seli në Tiranë, dhe nga sipërmarrësi dhe drejtuesi i Universitetit Marin Barleti, Tiranë, A. Dudaj. Në emër të grupit nismëtar përshëndetën E. Yzeiraj dhe z. F. Demneri.

ALSWISS parashikon dhe ka për objektiv të krijojë dhe zhvillojë marrëdhënie zhvillimore biznesi dhe të karakterit tregtar ndërmjet Konfederatës Zvicerane dhe Shqipërisë. Ajo do të jetë në marrëdhënie bashkëpunimi me Dhomën e Tregtisë Zvicër-Shqipëri me seli në Tiranë.

Duke marrë në konsideratë politikat aktuale të Shqipërisë, si dhe klimën e biznesit, ALSWISS do të fokusohet gjatë veprimtarisë së saj në fushat si turizëm, bujqësi, kulturë, investimet në pasuritë e paluajtshme, industrinë e shërbimeve, etj.

Themelimi i ALSWISS përbën një moment të rëndësishëm në marrëdhëniet ekonomike mes dy vendeve. Realizimi i saj u bë i mundur falë angazhimit dhe punës së bashkërenduar mes përfaqësuesve të bizneseve shqiptare në Zvicër e Shqipëri, diplomatëve të Ambasadës shqiptare në Bernë dhe mbështetjes së pakursyer të Dhomës së Tregtisë, Industrisë dhe Shërbimeve në Gjenevë.

Krijimi i ALSWISS pikërisht në këtë situatë të vështirë në rang global, është një shembull shprese dhe do të shërbejë si gjeneratore e energjive dhe mundësive të reja që i ofrohen bizneseve shqiptare e zvicerane në të ardhmen. Ajo do të jetë një derë e hapur dhe një instrument i vyer në duart e bizneseve shqiptare që dëshirojnë të realizojnë këmbime tregtare e ekonomike mes Shqipërisë dhe Zvicrës.

g.kosovari

ALSWISS/ Inagurohet Dhoma e Tregtisë Shqipëri-Zvicër, nismë e sipërmarrësve shqiptarë

Vaksina anti-COVID e Oxford do të miratohet brenda këtij viti

Comments 1

Leave a Reply Cancel reply

TË FUNDIT

Ndezën zjarret në Fier/ Arrestohen 2 persona të dyshuar, procedohen 2 të moshuar

Marrëveshja e bujshme Bardella-Farage: Emigrantët që kalojnë Kanalin do të kthehen në Francë

Zjarri ‘përpiu’ Himarën, kryebashkiaku Tavo: Vumë në dispozicion palestrën e shkollës për evakuime, por…

Kujt ka gjasa t’ia japin votën banorët e rritur të bashkive që do të zgjerohen

35-vjetori i rihapjes së Kryegjyshatës, Baba Mondi: Dëshmi e një udhëtimi të gjatë të ringritjes dhe besimit

Kallas përballet me rezistencë në BE, dështon nisma e re për mbrojtjen europiane

Izolohet zjarri në Kropisht të Selenicës, digjen 27 hektarë me shkurre dhe pemë

“Tërmet” politik në Gjermani | CDU bie nën 20%, rritet presioni ndaj Friedrich Merz

Identifikohet viktima e aksidentit me 5 automjete në autostradën Durrës-Tiranë

Gjykimet civile nën presion, më problematike situata në shkallën e dytë, cenohet puna e avokatëve

Welcome Back!

Retrieve your password