Trajneri i Juventusit, Massimiliano Allegri ka filluar të mendojë për finalen e Ligës së Kampionëve.
Strategu i kampionëve të Italisë tha se është i vetëdijshëm për detyrën e vështirë që i pret në duel me Barcelonën më 6 qershor në Berlin.
Por, ai ka thënë se synon të luajnë mirë dhe t’ia prishin festën Xavit, në finalen e tij të fundit si futbollist i Barcelonës, meqë ka konfirmuar se do të largohet nga klubi në fund të këtij sezoni.
“Duhet të jemi të vëmendshëm dhe të qartë, Barcelona ka tre futbollistë të jashtëzakonshëm në sulm dhe Iniesta që e dikton ritmin në mesfushë. Do të jetë finalja e fundit e Xavit, një futbollist i jashtëzakonshëm për Barcelonën dhe Kombëtaren spanjolle, por shpresojmë t’ia prishim festën”, u shpreh Allegri gjatë një konference për shtyp.
