Sam Allardyce e sheh Manchester Unitedin favorit për të fituar titullin e Premier Ligës në këtë sezon, ndërsa ka treguar edhe arsyen që një gjë të tillë nuk mund ta bëjë rivali i Unitedit, Liverpooli.
Sipas tij, problemi më i madh i Liverpoolit është mbrojtja, sidomos ndërprerjet, përdërisa për sulmin thotë se ka një nivel të lartë, transmeton Koha.net.
“I vetmi shqetëim për mua për skuadrën e Jurgen Kloppit është ai defansiv, për nga posedimi, dhe sulmi kanë gjithçka. Kanë golat dhe energji të shkëlqyer, por ndërprerjet janë një problem i madh”, është shprehur ai për talkSPORT.
Ai thotë më tutje se, “Premier Liga në përgjithësi është fituar, në 10-15 vitet e fundit, nga ekipi me rekordin më të mirë në mbrojtje”.Allardyce beson se Unitedi do të fitojë titullin për shkak të përvojës së madhe të Jose Mourinhos.
“Jose e ka bërë atë më parë dhe e ka bërë në vende të ndryshme. Ai e di si ta bëjë këtë”, ka thënë Allardyce. (b.an)
