Krahasimi me një tjetër përmbysje të madhe është i pashmangshëm, edhe pse rëndësia e ndeshjeve nuk është e njëjtë. 11 vjet më parë, Liverpool shkonte i mundur 3-0 nga Milani në pushimin e finales së Champions League në Stamboll. Në të dytën, gjashtë minuta të çmendura sollën barazimin 3-3 e më pas fitoren me penallti për të kuqtë. Skena të ngjashme mbrëmë, në disavantazh 1-3 kur kishin mbetur edhe 25 minuta lojë, skuadra që tani drejtohet nga Jürgen Klopp arrin të fitojë 4-3 në minutën e 91-të, me golin e shënuar nga Lovren.
Istanbul II është titulli i The Sun, duke rikujtuar finalen e madhe të Stambollit.
“All you need is Lov”, titullon Metro Sport, me lojën e zakonshme të fjalëve në shtypin anglez, duke përdorur titullin e këngës së famshme të Beatles, djemve më të famshëm të qytetit, dhe gjysmën e emrit të autorit të golit të fitores, Lovren.
