Tashmë është lëshuar urdhër-arresti ndërkombëtar për shqiptarin Roxhers Demirazi, i cili është shpallur në kërkim si i përfshirë në vrasjen e Alkis Kampanos në Selanik.
Mediat greke shkrujnë se ka dyshime se 20-vjeçari mund të jetë fshehur në vendin tonë pas vrasjes të Alkis Kampanos në Selanik nga një grup tifozësh. Urdhër arresti sipas tyre tashmë ka mbërritur në Ministrinë e Brendshme në Shqipëri.
Raportohet se ka qenë ministria e Brendshme shqiptare që ka konfirmuar mbërritjen e urdhrit dhe tashmë ka nisur procesi hetimor për gjetjen dhe arrestimin e tij. Në fakt, hetimet kanë nisur nga pikat kufitare por për momentin nuk ka asnjë informacion se ku mund të ndodhet i kërkuari.
Ditën e sotme do të nisin seancat për 8 të arrestuarit në gjykatën greke. Tre prej tyre sot do të kalojnë nëpër derën e hetuesve, ndërsa procesi gjyqësor do të vazhdojë nesër dhe pritet të përfundojë të premten. 8 personat janë arrestuar të dielën pasi akuzohen si të përfshirë në vrasjen e Alkisit.
/b.h
