Ish-kandidati i Partisë Demokratike në Tiranë, Ilir Alimehmeti, ka shprehur rezerva për procesin e rinumërimit të votave për këtë qark.
Në emisionin ‘Debat’ me gazetaren Alba Alishani në A2 CNN, Alimehmeti tha se KQZ duhet të kishte parë provat që ofruan kandidatët dhe të kishte pranuar të rishiheshin pamjet e kamerave gjatë procesit të numërimit të votave.
Ai shtoi se kërkesa e tyre u hodh poshtë edhe nga KAS dhe Kolegji Zgjedhor, pasi sipas tij, ata i frikësoheshin këtij procesi dhe rezultateve që ai mund të nxirrte.
Alimehmeti ngriti pyetjen se nëse nuk pranohen kërkesat e kandidatëve për të parë videot, atëherë pse duhet të shpenzohen miliona lekë për nxjerrjen e këtyre pamjeve?
“KAS i ka hedhur poshtë kërkesat tona. Edhe Kolegji Zgjedhor po ashtu. Kërkesa ime është hedhur poshtë dhe nuk janë parë videot. Tani ka nisur një proces i dytë, por është jashtë provës së procesit të parë. Do shpallet që kjo do jetë brenda kushteve të gabimeve njerëzore. Do quhen të pavlefshme votat që për mua janë plotësisht të vlefshme.
Për sa kohë KQZ nuk shkoi te provat, do të thotë se qartësisht i friksohet. Nuk kanë dalë videot e numërimit të fletëve të votimit dhe nxjerrjen e tyre para kamerave. Atëherë ngrihet pyetja, përse bëhen këto video? Përse harxhohen miliona lekë kot?
Unë mendoj se përdorimi i asaj artifice te rasti jonë, i kandidatëve, nuk është kushtetuese. Pa parë përmbajtjen, nuk është e mundur që një institucion të hedhë poshtë një kërkesë. Përderisa nuk u panë videot, ky proces rikthehet te farsa zgjedhore”, tha mes të tjerash Alimehmeti.
Dinjiteti i nje politikani shfaqet edhe ne menyren si e perballon humbjen; por Alimehmeti eshte i shkolles politike te Berishes prandaj nuk ke cfare te presesh prej tij.