Ish-kandidati i Partisë Demokratike, Ilir Alimehmeti,ishte i ftuar këtë të martë në studion e Klan News.
Teksa e konsideroi procesin zgjedhor një farsë elektorale, tha se pas rinumërimit për Tiranën, Partia Demokratike do bëjë analizën e saj pikërisht për 11 majin.
“Pas rinumërimit, do të bëjmë analizën tonë ndaj farsës elektorale. Duhet të krahasojmë reagimet e ambasadës amerikane 2021, 2025. Këtë herë reagimi vonoi shumë, vonesa është një mesazh. Në këtë rast, urimi nuk i shkon kryeministrit, por Shqipërisë. Ne do jemi këtu kur të dalë dhe raporti përfundimtar i OSBE/ODIHR-it. Raporti paraprak flet qartë, për garë jo të drejtë dhe jo të ndershme, ne jemi pjesë active e plotësimit të këtij raporti. Notën në fund fare ta japin njerëzit, një shtet kur bëhet më keq, njerëzit ikin. 39 mijë shqiptarë ikën vetëm në 2024-ën!”, deklaroi Alimehmeti.
I pyetur se a ka ndonjë ambicie për të kandiduar për bashkinë e Tiranës, tha se fokusin kryesor tani e ka te procesi i rinumërimit të votave për kryeqytetin.
