Enkelejd Alibeaj tha sot se kushti i PD-së që drejton ai për presidentin e ri është që ai të jetë antikomunist.
Ky kusht sipas Alibeajt, bën që Sali Berisha dhe Rithemelimi ta sulmojnë si të shitur te Rama.
“Ne duam që presidenti të jetë antikomunist. Jo vetëm ai, por edhe familja e tij. Kjo ka trazuar shumë mendje dhe ka bërë që të na akuzojnë si të shitur te Rama” – tha Alibeaj.
I pyetur se kush mund të jetë një emër i tillë, për president, ai shtoi:
“Kam njohur aq shumë prej tyre që janë simbol i antikomunizmit, vuajtjeve dhe qëndresës. Megjithatë ne jemi për një proces dhe nëse ka zemërgjërësi nga pala tjetër për të pranuar një individ të tillë, brenda Grupit së bashku do të vendosim dhe për propozimet tona” – deklaroi Enjelejd Alibeaj.
Ai tha se deputetët që nuk ishin pjesë e mbledhjes së sotme të Grupit kanë pasur arsye personale.
“Nesër nuk ka negociatë për Presidentin, por Konferencë të Kryetarëve. Negociatë do të kemi me aleatët tanë, e kemi të drejtëd he detyrim t’u marrim opinionin atyre” – tha Enkelejd Alibeaj në deklaratë për mediat.
/javanews/a.r
