Nënkryetari i Partisë Demokratike Enkelejd Alibeaj ka folur mbrëmjen e sotme për vettingun e politikanëve, të propozuar nga PD.
Deputeti demokrat tha në “Open” se opozita nuk ka asgjë për të fshehur dhe ndaj ka kërkuar që vetting të fillojë pikërisht nga ata.
Sipas tij me vettingun e politikanëve, krijohet edhe kultura që politika t’i nënshtrohet drejtësisë.
“SPAK-u ka për detyrë hetimin e veprave penale. Por do të ketë edhe çështjen e natyrës administrative. Do duhet që edhe drejtësisë së re t’i jepet një zhvillim dhe së treti pritshmëritë nuk janë plotësuar dhe të dëmtuarit në këtë histori jemi ne. Ne nuk kemi asgjë për të fshehur dhe për këtë arsye themi që të fillojmë nga opozita. Krijojmë një mekanizën ligjor, krijojmë kulturën që politika t’i nënshtrohet drejtësisë”, u shpreh Alibeaj.
/a.r
