Deputeti i PD, Ervin Salianji para nisjes së mbledhjes së grupit parlamentar foli për mediat, duke thënë se ka një përpjekje për të ndarë Partinë Demokratike në dy pjesë.
Sipas Salianjit, duhet t’i jepet fund protagonizmit dhe grupi parlamentar të funksionojë si një i tërë.
“Ka një përpjekje për ta ndarë PD në dytë pjesë. Nuk hyj në ata deputetë që PD të ndahet. Personalisht kam bërë përpjekje për të folur me Rithemelimin dhe Alibeajn që mbledhja të jetë e përbashkët.
Është e pamundur që të mos diskutojmë. Mbledhjet e grupit janë kthyer në përpjekje për protagonizëm personal, duke mos i lënë fokusin e duhur zgjidhjes së problemeve.
E kanë zhvendosur vëmendjen nga reforma territorial dhe reforma zgjedhore. Këto kanë mbetur pezull për shkak të mungesës së emrave nga ana e opozitës, që është e pafalshme.
Grupi duhet të hyjë në një ulli të duhur, kryesia duhet të mblidhet rregullisht dhe deputetët duhet ti japin zgjidhje krizës që PD të marrë zgjidhje dhe mos e shpërndajmë fokusin nga lufta ndaj Edi Ramës.
Do bëjmë cdo përpjekje që grupi parlamentar të funksionojë si një i tërë”, u shpreh Salianji per mediat.
g.kosovari
