Kreu i partisë së re opozitare, Djathtas 1912, Enkelejd Alibeaj, deklaroi në një intervistë për gazetën TemA se zgjidhja e çështjes së pronës, edhe pse për 34 vjet ka pësuar një dëm të rëndë e sistematik, është ende e mundshme.
Asgjë nuk është e prishur për gjithmonë tha ai dhe i takon elitës së re politike që ta risjellë e ta zgjidhë këtë të drejtë të mohuar.
“Ne e kemi të detyruar, në kuptimin edhe të profilizimit politik sepse jemi djathtas, por po të doni ju edhe si një shenjë ‘mea culpa’ për gjithsecilin prej nesh që jemi pjesë e këtij projekti. Por, mbi të gjitha si nevojë edhe e drejtësisë sociale, por edhe zhvillimit ekonomik,” theksoi ndër të tjera Alibeaj.
