Sekretari i Partisë Demokratike, Enkelejd Alibeaj, ka sulmuar sot ministrin e Brendshëm duke iu referuar emërimit në krye të doganave të Qebinit.
Sipas Alibeajt, çifti Tahiri-Shullazi emëruan sejmenin e tyre të larguar nga policia, si nëndrejtor të Përgjithshëm të Drejtorisë së Doganave.
“Besmir Qebini i larguar nga komisariati i Kavajës për dyshime të rënda si i përfshirë në trafikun e drogës, ka në dorë hetimin doganor. Shkurt, krimi ka çdo lehtësi për aktivitetet e veta të paligjshme. Ky inkriminim i strukturave shtetërore nga Rama ka sjellë dobësimin e zbatimit të ligjit” – tha Alibeaj në një komunikim për mediat.
