Enkelejd Alibeaj tha në Këshillin e Integrimit Europian se është e rëndësishme që ndihma e BE-së në Shqipëri të jetë gjithnjë e më prezente.
Ndërsa renditi disa nga pikat më të errëta të qeverisë, Alibeaj vuri në dispozicion gjithë mbështetjen pa kushte të opozitës përkundrejt kërkesave dhe nevojave të Bashkimit Europian.
“Duhet ta dimë fare mirë që Shqipëria, së fundmi është përfshirë në një skandal të madh ku kryeministri në një luftë të hapur ndaj opozitës që ka treguar dy çështje shumë të rëndësishme që vlejnë për t’u marrë në konsideratë, refuzimin me shumë neveri që kryeministri i vendit i ka bërë parlamentit për t’iu përgjigjur në rastin e skandalit Rama-McGonigal ndaj këtu edhe votat dhe mbështetja jonë për ligjin që zonja Tabaku sapo tha, sigurisht do ta ketë mbështetjen. Së dyti ka treguar një gjë akoma më të rëndë, luftën e madhe të paprincip që qeveria ka bërë ndaj Partisë Demokratike,” – u shpreh Alibeaj.
Sipas tij është serioze dhe fakti që PD-ja, 10 dite para fillimit të zgjedhjeve ende nuk e di nëse do të regjistrohet.
/s.f
